’n Plek waar leer en speel hand aan hand gaan – vir kinders van 3 tot 6 jaar.
Eduplex Pre-Skool is die perfekte grondslag vir die begin van jou kind se skoolloopbaan.
Interaktiewe leerruimtes
Ons klaskamers is ontwerp om nuuskierigheid te prikkel en verkenning aan te moedig.
Verken deur aanraking
Kinders ontdek teksture, geure en klanke in ons pragtige tuine.
Leer buite
Ons tuine bied eindelose geleenthede vir spelgebaseerde leer.
Veilig en pret
Ouderdomstoepaslike toerusting bevorder fisieke ontwikkeling en vreugde.
07:30 - 14:15
13:45 - 17:15
| Kwartaal 1 | 15 Jan - 28 Mrt |
| Kwartaal 2 | 8 Apr - 27 Jun |
| Kwartaal 3 | 22 Jul - 26 Sept |
| Kwartaal 4 | 14 Okt - 3 Des |
Laai ons fooiestruktuur en aansoekdokument hieronder af. E-pos aansoekvorms na ehsontvangs@eduplex.co.za
Ons kinders leer deur spel en word aangemoedig om met verf, modder, water, klei, glitter, gom, ens. te eksperimenteer en te verken.
Stuur asseblief jou kind skool toe in gemaklike klere waarin hulle kan speel en waaroor ons nie hoef te bekommer wanneer dit vuil word nie. Ons hoofdoel vir ons kinders is dat hulle die oomblik vrylik kan ontdek en geniet.
Pak asseblief twee stelle ekstra klere en onderklere in wat in jou kind se tas gehou kan word, asook ’n plastieksak vir nat klere van water-speel of ongelukies.
Die eerste vyf jaar van ’n kind se lewe is die belangrikste vir hul ontwikkeling. Gedurende hierdie ontwikkelingsfase word miljoene “paaie” in die brein gevestig – meer as in enige ander tyd in hul lewe.
In hierdie vormende jare leer en ontwikkel kinders hoofsaaklik deur spel. Ander faktore wat hul ontwikkeling beïnvloed, sluit gene, voeding, fisieke aktiwiteit, gesondheid en die gemeenskap in.
’n Omgewing waarin kinders hul sintuie kan verken, vrae kan vra, oplossings vir probleme kan vind, en waarin ’n kundige hulle sag lei, is uiters belangrik om ’n stewige grondslag vir die res van hul lewens te lê.
By EDUPLEX Voorskool is kinders se ontwikkeling ons topprioriteit, want ons – net soos ouers – wil die beste vir kinders hê en weet wat en hoe hulle moet leer. Die klaskamers, tuine en speelgrond is so toegerus dat kinders so jonk as twee jaar en tien maande kan klim, voel, raak en ruik.
Ons daaglikse program is gebaseer op sekere aspekte van die “Curiosity Approach”, wat kinders aanmoedig om self te verken. Hierdie kontemporêre benadering tot vroeë kinderontwikkeling leer kinders noodsaaklike lewensvaardighede soos kritiese denke, spanwerk en kommunikasie. Hierdie vaardighede sal hulle goed te staan kom op ’n persoonlike en professionele vlak, in ’n wêreld wat voortdurend verander.
